كل ما هو متاح علي الانترنت من شروحات وبرامج وجميع ما تبحث عليه معنا كل يوم جديد

آخر المواضيع

بحث

الخميس، 16 مايو 2019

وصفات كعك العيد



وصفات كعك العيد 





مع اقتراب عيد الفطر، قررنا ان نجمع لكم اشهى واسهل وصفات لكعك العيد والتي نتمى ان نتال اعجابكم 


الوصفة 1

كعك العيد
2 كوب دقيق
1 كوب سمن
رشة ملح
1 ملعقة ريحة كعك
1 ملعقة خميرة
¼ كوب ماء
2 ملعقة سمسم
1 ملعقة صغيرة سكر
سكر بودرة للتحلية
تعجن كل المقادير و تترك لترتاح و تخمر ثم تشكل كور ثم يضغط عليها بالبصامة و تسوى فى فرن حار 170 درجة مئوية حتى إحمرار الوجه قليلا ثم يترك ليبرد و بعد ذلك يوضع عليه السكر البودرة و يقدم



الوصفة  2
2كيلو ونصف دقيق 
1 كيلو سمن بلدي ( او زبد )+ نصف كوب سمن ( يعني كيلو ونص كوب)
عاوزاه ناعم اوي ضيفي كمان نصف كوب سمن بس على الكيلو 
يكون مقدار السمن (كيلو + 1 كوب)
خميرة دقيق (خميرة بيرة )
2 ملعقة صغيرة ريحة كعك
فنجان  سمسم
لبن للعجن
ذرة ملح
ملبن ومكسرات للحشو

الطريقة

نحضر اناء ونضع فيه السمن على النار
نتركه يسخن جدااااا بلغة مصر( نقدح السمن)
لمعرفة وصول السمن للدرجة المطلوبة امسكي  3 سمسم وحطيهم في السمن لو سمعتي صوت طقطقة كدة والسمسماية طلعت فوق الوجه يبا كدة السمن قدح تمام

نجهز الدقيق في اناء عميق
نضع عليه السمسم وريحةالكعك
وذرة الملح
ثم بحذر نضيف السمن المقدوح
ونقلب بملعقة خشبية برفق
لحين يبرد قليلا
ثم نشتغل بيدينا
ونظل نخلط فيه مدة نصف ساعة حتى يختفي السمن
ويكون لون الدقيق اصفر
كلما قلبتيه في المرحلة دي كويس يطلع اجمل
ثم نضيف الخميرة واللبن الدافئ نوعا
ونعجن جيدا نضيف اللبن بالتدريج
حتى تصبح عجينة لينة ومتماسكة ونقدر نشكلها بسهولة

اتركيها ترتاح نصف ساعة
ثم نبدا في تشكيلها دوائر صغيرة
ونضع بداخلها الحشو الملبن والمكسرات
نرصها في صينية الفرن

الوصفة  3
كعك العيد بالملبن
·  المقادير: 7 كوب دقيق يعني كيلو دقيق موزون على الميزان -كوبين ونصف سمن 
4 ملاعق كبيرة قشطة 
3 ملاعق كبيرة زبادي يعني علبة زبادي العلبة 80 جرام 
معلقتين كباااار سمسم - 3 ملاعق كبيرة جوز هند ناعم 
معلقة كبيرة خميرة بيرة او فورية مذوبة مع معلقة كبيرة سكر ومعلقتين كبار مية 
1/2 معلقة صغيرة ريحة كحك او قرفة 
او نقطتين ريحة موز سايلة من عند العطار
·  الطبخ: اول شيء نسمي الله وندوب الخميرة اول حاجة
دي الخميرة مع السكر وندوبها مع المية وندخلها الفرن مطفي عشان تتفاعل
في حلة كبيرة نحط الدقيق وفي النص نعمل حفرة ونحط فيها السمسم
نعاير السمنة في الحلة كوبين ونص سمنة زي كده
ونحط السمنة على نااار متوسطة عشان نقدحها كويس
وطبعا قدح السمنة هو السر في الكحك الجمييييل لو السمنة مقدوحة كويس
الكحك هيفضل محافظ على شكله في الفرن
ولو مش مقدوحة كويس الكحك هينزل كل السمنة اللي فيه في الصينية 
وتبقى حواليه بتعوم ههههههه بعيد الشر طبعا ان شاء الله
المهم نرجع للسمنة على النار هتسيح في البداية
ولو حطينا فيها كام واحدة سمسم هيفضل ابيض زي ماهو مش هيتحمر
وهينزل تحت في قاع الحلة
لان السمنة لسة ماقدحتش زي الصورة
وبعد 10 دقايق والسمنة بتقدح على النار وتغلي
لما نحط فيها كام حبة سمسم هيتلون في نفس الثاانية ويتحمر
وعلامة تانية نعرف بيها ان السمنة قدحت اننا لما نحط سمسم يرتفع بسرعة اووي على وش السمنة
و يتحمر وبيطرقع سبحان الله علامة ان السمنة قدحت واي سمسم نحطه فيها 
بيتحمر بنفس الثانية ومش بياخد دقيقة حتى
ودي علامة قدح السمنة بفضل الله
دلوقتي نمسك حلة السمنة برفق ونسمي الله ونصب مقدار السمنة على حلة الدقيق
واحنا بعيييد عن البخار الحااااار اوووي يارب يعافيكم حبيباتي
ونسيب السمنة كده في الوسط لمدة دقيقة عشان تسّوي السمسم اللي في النص
ونبدأ نقلب بالمعلقة الستنالس عشان تتوزع السمنة في كل الدقيق 
وهيا لسة بتغلي سبحانك يارب من شدة حرارتها
ونقلب كل الدقيق اللي مستخبي تحت وعلى الجوانب عشان كله يتشرب بالسمنة المقدوحة
ونبس الدقيق بالسمنة المقدوحة بظهر المعلقة نضغط الدقيق بالسمنة
واحنا بنقلب عشان يتشرب الدقيق كل السمنة ان شاء الله
وده شكل العجينة بعد مااا اتبست وتشربت كل السمنة بفضل الله ولونها بقى بيج هادي
ونصب الخميرة عالعجينة اللي ماشاء الله تبارك الله تضاعف حجمها 
والزبادي وجوز الهند وريحة الكحك ونعجن العجينة بايدينا عشان تختلط كل المكونات
وآخر حاجة القشطة بجمالها وبياضها الراائع ونعجن عشان تتشربها العجينة
وهيا سر الطعم الرهييب في الكحك اللي بتمنع ان الكحك يكون
كأننا بناكل سمنة القشطة بقى بتديله طعم جميييل اوووي وبتضيع دسامة الكحك ان شاء الله
وده شكل عجينة الكحك طرية وبتلمع وسهل في النقش جداااا ان شاء الله
ودلوقتي نشتغل في تشكيل الكحك على طوووول بدون ماننتظر انه يخمر
ونروح عالترابيزة ونفرش المفرش ونجيب العدة والمناقيش ونسمي الله
ونبدأ رحلة تشكيل الكحك ببهجته وجمااااله وروايح العيييد الجمييييلة
وبنطلع قطعة عجينة قدامنا وجنبها ملبن وباقي العجينة بنخليه في الحلة متغطي
وكل ماتخلص العجينة نجيب حتة كمااان لحد ماتخلص العجينة ان شاء الله
قيموني حسب ذوووقكم يااحلى اخوااات
لو عجبكم الموضوع
بسم الله نكمل
ونحشي الكحك بالملبن او راحة الحلقوم زي كده
نعمل دايرة وونفرغها بصوابعنا وجواها قطعة ملبن طرية ولذييييذة ونقفل عليها كويس
وبعدين نبططها مش اووي زي كده
ونساوي الجوانب بالقطاعة المشرشرة زي كده او مش شرط نقطعها بالقطاعة نساويها بس
بصوابعنا ان شاء الله
واحلى حاجة في الكحك بجد نقشه وان كلنا بنتنافس مين نقشها احلى نقش هههههههههه
وطبعا مافيش زي مناقيش زمااان والله رااائعة ولما بتدخليها في العجين عشان تنقشي بتدي شكل
وااضح ومتماسك وجمييييل اوووي 
وطبعا المناقيش دي أثرية بقالها يجي 30 سنة ماشاء الله
من ايام جدتي الله يرحمها ويدخلها الجنة ان شاء الله
ومع ذلك لسة محافظة على شكلها ورااائعة زي كأنها جديدة
وده شكل نقشة تانية في الكحكاية
والعجينة طرية بفضل الله والنقش واضح فيها
وممكن عشان الاطفال نعمل اشكال بطة وننقشها برده 
او شكل قلب وننقشه وبيبقى تجدييد وجمييييل بفضل الله
ودي نقشة الكروهات
ودي نقشة شكل المُعين وكل الكحك نرصه في الصواني على خيرة الله
ولو الكحك كتييير على الصواني نخبز اللي بالصواني ولما تتخبز نملى الصواني دفعة جديييدة 
وهكذاااااا ويااااسلام على ريحة البيت والكحك بيتخبز فعلا روايح العيييد
ويارب كل ايامكم اعيااااد ان شاء الله حبيباتي
طريقة التسوية
الفرن نسخنه على حرارة 160 الى 170 عشر دقايق
ونولعه من تحت بسسسسسسس
والكحك بيتسوى على حرارة هادية بامر الله
لانه لو الحرارة عالية عليه هيتحرق من بره ومن جوه يفضل عجين
والطريقة اننا نولع النار تحت ونحط صنيتين تحت وصنيتين فووووق عالرف
ونقفل عليهم الفرن لمدة ربع ساعة عشان يستوي على خيرة الله
وكيلو الكحك بيعمل اربع صواني كبيرة زي اللي في الفرن ان شاء الله
ولما نفتح بعد ربع ساعة نلاقي الصينيتين اللي تحت في الفرن
بدأو يحمروا من الجوانب زي كده نبدل الصواني
يعني نطلع صواني الكحك الي بقى لونه دهبي 
نطلعها الرف اللي في الوسط وننزل الصنيتين اللي كانوا فووق لتحت على ارضية الفرن
عشان يستووا وياخدوا لون دهبي من تحت
ولما كل صواني الكحك تاخد لون دهبي نولع الشواية عشان ياخدوا لون دهبي جمييييل
ونطلع الصواني على رخامة المطبخ 
وطبعا مانشيلش الكحك وهو سخن ابداااااااا في الصواني
نستنى لما تهدى حرارته ربع ساعة ونبدأ نحطه في صينية كبيرة 
وكيلو الكحك بفضل الله بيعمل 70 كحكاية جميييلة وطبعا لو بنحبه كحك صغنن وعسول
نقدر نصغره اكتر ويبقى ممكن عندنا 90 كحكاية ماشاء الله وبمكونات بيتي وكلها ريحة طيبة
وبسم الله نبدأ صور التقديم 
دي كمية من الكحك ولسة كان فيه صينية كماان في الفرن مش رصيتها 
وممكن نرصهم زي كده برج دائري
ودي نعومته من الجنب بفضل الله
ناعم وفي نفس الوقت نقدر نشيله بفضل الله
ودي كل الكحكات الحبيبات مع بعض


الوصفة 4
الكعك بالسميد:-
المقادير:
كيلو سميد ناعم
400 غرام مارغرين
فنجان قهوة زيت نباتي"ذرة".
طريقة البس:
تذوب المارغرين وتترك حتى تكتسب درجة حرارة الغرفة بعد ذلك نضعه فوق السميد لكن لا نضع الماء الذي يخرج من المارغرين نضع مكانه فنجان الزيت ويفرك بين راحة اليد وتسمى "عملية البس".
نقوم بعجن السميد نحتاج الى ملعقة طعام خمبرة وكوب واحد ماء فاتر(والكيلو يحتاج من 1 كوب الى1 وربع من الماء الفاتر).
ثم نبدأ بعملية العجن.
ملاحظة:لا يعجن السميد مثل الدقيق اي لا اقوم باللت والعجن فقط مزجهم بين يدي حتى احصل على عجينة متماسكة.
ونبدأ بالتشكيل على طول.
الحشوة:-
المقادير:
بكيت عجوة. 1كيلو خالي من النواه نضع عليها بهارات الكعك وهي:يانسون مطحون وشومر مطحون وقرفة والقليل من المحلب المطحون ومستكة عربية مطحونة وقليل ممن ال زيت وتعجن جيداَ جميع المواد.
نأخذ قطعة ممن عجينة السميد وافردها في راحة اليد ثم افرد قطعة تمر فوقها
ثم اقوم باغلاق العجينة على التمر جيداَ
حتى احصل على كرة واضع اصبعي داخل الكرة.
نقوم بنقش الكعكة بملقط خاص للكعك.
نضع الحبات في صينية الفرن.
تخبز في فرن متوسط الى حار حتى تصبح على شقار من الاعلى والاسفل

الوصفة 5
·  المقادير: 2 كيلو دقيق 
4 وربع كوب سمنة 
قطعة خميرة صغيرة البلدى 
رشة ملح 
3 معالق كبيرة سكر 
ربع كيلو سمسم
·  التحضير: نسيح السمنة على النار لحد ما تسخن كويس قوى 
وتكونى مجهزة طبق استانلس للعجن وحاطة فية الدقيق والسمسم 
وتنزلى بنص السمنة 
تقلبى الدقيق مع السمنة بمعلقة خشب لحد ما الدقيق يتشرب السمنة
وتحطى الخميرة بعد ما دوبتيها مع السكر وتفركية بايدك 
وبعدة كدة ننزل بباقى السمنة وتعجنيها زى اى عجينة وهتحتاجى شوية مية تعجنى
العجينة المفروض تكون طرية ولينة بس مش سايحة
نحط السمسم
نترك العجين تخمر من ساعة الى ساعة ونصف
وبعد ما خمرت نبتدى نشكلها كور صغيرة 
وتعملى فجوه للحشو وبعدين تلمى الكوره بايدك تانى بين راحه الكفين بدون ضغط عليها
الحشو على حسب الرغبة 
بعد التشكيل نرصصها على صاج زنتركها تخمر نص ساعة اخرى
·  الطبخ: تزج فى فرن متوسط الحرارة
ولما تطلع نرش عليها السكر البودر

الوصفة  6
المقادير :
العجين : كيلو سميد .. ممكن ان نخلط نصف سميد خشن ونصف سميد ناعم كوبين من الدهن السائل ممكن زبدة مخلوط معه القليل من زيت الذرة او سمنة مع زبدة او زبدة فقط
سكر 1/4 ك
حليب بودرة 1/2 ك
طحين نصف كوب "اختياري" (لمعمول متماسك بدرجة اكبر نضيف كوب طحين لكل كيلو سميد)
نصف ملعقة صغيرة مستكة مطحونة
نصف ملعقة صغيرة محلب مطحون
جوزة الطيب برش نصف حبة "اختياري"
حشو العجوة: بكيت عجوة + زبدة طرية او زيت + يانسون مطحون م ص او قرفة وجوزة الطيب او هال مطحون
حشو الجوز :نصف كيلو جوز +نصف كوب سكر + 1 م ص قرفة + 3 م ك ماء زهر
حشو الفستق الحلبي : نصف كيلو فستق حلبي مغسول ومقشر ومحمص + 1/4 كوب قطر + 1 م ص زبدة +2 م ك ماء زهر
طريقة التحضير
1.
بالبداية نقوم ببسبسة السميد بخلط المكونات الجافة ثم تذويب الدهن على النار (يفضل ان نضيف الدهن دافئ وغير ساخن للسميد)
بعد تذويب الدهن نكيله بالكوب حسب المقدار المطلوب ونصبه على السميد ونفركة فيه جيدا
نتركة اقل شيء 12 ساعة ويفضل قبل يوم


2.
لتعجين السميد نرش 1/4 م ص خميرة لكل كيلو ثم نصب كوب ماء دافئ و فنجان ماء زهر نعجنة ونبدا تقطعة الى حبات صغيرة ونجهزه للحشي
نصيحتي: لايفضل عجن الكمية كلها مع بعض ، قسمي الكمية الى قسمين او اكثر.. اعجني كل قسم لوحدة وابداي في تشكيله وبعد الانتهاء منه، اعجنى القسم الاخر وهكذا حتى تنتهي الكمية

3.
نخلط مكونات كل حشوة ونضعه جانبا
لعمل حبات المعمول تؤخذ عجينة بحجم كرة صغيرة ونمدها على باطن اليد ونضع بالوسط العجوة نغلقها ثم نثقبها بالوسط
بالنسبة لحشو الفستق والجوز نقوم بتشكيل العجين الى كرات صغيرة ثم نحدث في منتصفها فجوة منتظمه ورقيقة
يوضع مقدار ملعقة صغيرة من الحشوة في المنتصف وتغلق جيدا وتزين اما بواسطة ملقط التزيين او القالب



الوصفة  7

·  الكمية تكفي: 4 أشخاص
·  المقادير: 2كيلو دقيق 
كيلوسمنه 
قطعه خميره صغيره(الخميره الطازه) 
فى حجم حبه اللوز بقشرها 
نص كيلو لبن للعجن ناخد منه على قد العجينه حسب نوع الدقيق 
2ملعقه كبيره سكر 
رشه صغيره ملح فى حاله استخدام السمنه النيوزيلندى او النباتى 
انا مش بحط عشان بستخدم السمنه البلدى البيضه 
وبسيحها ففيها الملح طبيعى
·  الطبخ: نسيح السمنه على النار لحد ماتسخن كويس قوى ونختبرده بحته عجيينه صغيره جدا 
(دقيق وميه)ونحطها فى السمنه ازا نزلت لتحت واخدت وقت على ما تطلع لفوق
يبقى لسه ننتظر دقيقتين مش اكتر ونكررتانى
ازا نزلت وبسرعه طافت على الوش وبدات تتقلى كده يبقى تطفى النار مباشره
بس خلى بالك ما تسيبهاش اكتر عشان ما تغيرش طعم الكحك
وبسرعه تاخدى السمنه تطشيها بالبلدى كده على الدقيق وهو فى حاجه استانلس افضل مش بلاستيك خالص اوعى
النقطه المهمه هنا واللى قولت ها اشرحها
قبل ما تخلصى كميه السمنه بالكامل بتقلبى الدقيق بمقصوصه اومعلقه خشب سريعا وبتحسى قد ايه العجينه مظبوطه او محتاجه باقى الكميه 
لما بتبقى مظبوطه بتلاقيها مفروله ناعمه ولامعه السمنه باينه فيها ولو اخدت قطعه صغيره بايدك تلاقيها جمعتت بسرعه فى ايدك
·  ملاحظات: ها تستخدمى خليط نباتى على بلدى يبقى تسيحى كل واحده لوحدها
لو الدقيق بتاعك من النوع القوى بتاع المخبوزات يبقى نزود السمنه شويه فى حدود كوب صغير
لانه بيشرب السمنه قوى وما يظهرش انه ناعم
اما الدقيق بتاع البسكوتات والكحك مش بيشرب السمنه قوى فا بيبان فيه الكميه بتاع السمنه
وبيطلع ناعم
ها تقولى نعرفه ازاى
ها اشرحها وانا بقول الطريقه
لو ناشفه تلاقى اثار الدقيق واضحه ومفروله زياده عن الزوم ومش بتلمع ولو جمعتيها بايدك بيبقى سهل تفروليها بدون حتى ما تلمسيها
فى الحاله دى كملى باقى المقدار
ولو دقيق مخبوزات من القوى زى ما اتفقنا من الا ول بنزود المقدار بس لازم تكونى انت متاكده انه دقيق مخبوزات قوى
حصلت معايا مره ان الدقيق من نوع مش بيشرب خالص السمنه ولقيت العجينه زى السايحه معايا
سمنه ودقيق بس
اطريت ساعتها ازود دقيق عشان اعدل العجينه بس ده غير مظبوط بس الحمد لله فى الاخر طلع حلو وربنا ستر
تفضلى تقلبى بالمعلقه كده وتهرسيها بضهر المعلقه لحد ما تبرد وتبسيها بايدك بين الكفين
تلاقيها نعمت اكتر واتشربت اكتروتقدرى ساعتها تكورى منها كوره صغيره ما تلاقيهاش فرولت حتى من قبل اللبن
ندوب الخميره مع السكر خالص ونحط عليهم كوب لبن واحد بس ما نسيبوش يخمر
وكمان اللبن مش دافى بحراره الغرفه عادى او ساقع كمان عشان الكحك ما يخمرش معاكى وانت لشه بتشكلى
نحط خليط الخميره ده على العجينه ونبدا بايدنا نشربه للعجينه ونجمعه مش نعجنه
ونزود لبن حسب ما تحتاج يمكن كوب كمان او كوب ونص حسب
نحاول ما نزودش اللبن قوى لانه لو زاد ها ينشف الكحك وكمان العجينه لواستريحت 10 دقايق بتتجانس وتتشرب
التشكيل
تشكلى على طول كور صغيره وتعملى فجوه للحشو وبعدين تلمى الكوره بايدك تانى بين راحه الكفين بدون ضغط عليها
وتنقشيها بالمنقاش او لو عندك بصامه او خشبه المعمول اوزى ما تحبى بس انا بفضل النقش

ارصها على الصوانى الل ها تتخبز فيها على طول من غير دهان خالص عشان ما انقلهاش تانى
واسيبها تخمر حسب الجو اللى حواليها بس تعرفيها انها لو رفعت الكحكه بهدوء كده تلاقيها بدات تفرغ من الداخل وتحسى انها خفت شويه
ولوضغطى خفيف قوى عليها تحسى ان فعلا داخلها هوا
هى مش بتزيد فى الحجم بشكل ملحوظ القراقيش هى اللى بتزيدعشان سمنتها اقل ولبنها اكتر
تخبز فى فرن هادئ ولونها يبقى دهبى مش ابيض
الحشو
الملبن* بختاره طرى وبريحه ماء الورد بيبقى رائع ولو ناشف شويه بطريه بحته سمنه مش زبده
العجوه* بحب اجهزها بنفسى بفرمها واحط عليها حته سمنه وشويه لبن واحطها على النار تتجانس كده مع بعض وتبقى طريه وطعمها جميل
وبشيلها فى الفريزر لاى استخدام بتفضل بنفس الطراوه داخل الفريزر ما بتتجمدشيا ريت تعجبكم الطريقه وتجربوها وتنجح ان شاء الله

الوصفة  8

المقادير :
200 جرام  زبدة أو سمن بدرجة حرارة الغرفة
6 أكواب دقيق متعدد الإستعمالات
1 كوب حليب بودرة
1 كوب زيت نباتي
1 كوي  سكر ناعم
بيضتان
1 ملعقة كبيرة فانيليا
ملعقه صغيره من خميره
نصف ملعقة صغيرة بكينج باودر
ملعقة صغيرة شومر
نصف معلقة محلب مطحون

الحشوة
اعجني نصف كيلو تمر مطحون مع 5 ملاعق زبدة  وأضيفي رشة قرفة أو هيل مطحون للنكهة

طريقة تحضير كعك العيد:
- نخلط  الزبدة والزيت ونخفقها مع بعض ثم  نضيغ السكر والبيض مع الاستمرار في الخفق ثم نضع الفانيليا، ونخفق حتى تصبح مثل القشطه
- نضع الحليب والشومر والخميره وبكينج باودر  والمحلب  على  خليط الزبده ونستمر كذلك في الخفق
- نضع الدقيق بالتدريج ونعجنه باليد حتى تصبح عجينه متماسكه  ونتركها قد 15 دقيقة لتختمر وبعدها نبدأ العمل  حيث تقطع عجينة المعمول حسب حجم القالب الذي تم اختياره لشكل المعمول الذي نريده. نحفر قطعة العجين باصبع اليد اليمنى بحيث يجوف من داخل العجين بالتساوي وتحشى بخليط التمر ومن ثم ترد أطراف العجينة فوق الحشو بخفة. توضع في القالب ويضغط عليها قليلا وتضرب حافة القالب على حافة الرف أو الطاولة كي تسقط من القالب. يخبز المعمول مدة عشر دقائق حتى يصبح لونه ذهبياً وبعد أن يبرد ينثر السكر الناعم فوقه للتزيين.

الوصفة 9
المقادير‏:
- 1‏ كيلو دقيق‏(8‏ أكواب متوسطة دقيق منخول‏)
- 3‏ أكواب زبد
- 1‏ كوب لبن‏
- 1‏ ملعقة صغيرة بيكنج بودر
- ذرة ملح‏
- 2‏ ملعقة صغيرة رائحة كعك‏
- 2‏ ملعقة كبيرة سمسم محمص‏.‏
للحشو‏:‏ 
عجمية أو ملبن مكسرات محمصة ومجروشة‏(‏ بندق‏,‏ جوز‏)‏
الطريقة‏:‏ 
* يخفق الزبد بالمضرب الكهربائي أو العجانة حتى ينعم‏,‏ يضاف اللبن مع الاستمرار في الخفق حتي يتجانس الخليط‏.‏
‏*‏ يوضع‏6‏ أكواب من خليط الدقيق في طبق عجن ويضاف إليه البيكنج بودر والملح ويرش فوقه السمسم ورائحة الكعك‏.‏
‏*‏ يصب خليط اللبن بالتدريج فوق خليط الدقيق ويعجن المقدار حتي نحصل علي عجينة يمكن تشكيلها ولا تلتصق باليد‏,‏ وقد يضاف باقي الدقيق بالتدريج‏.‏
‏*‏ تقطع العجينة إلى كرات متساوية وتحشي بقطعة صغيرة من العجمية أو الملبن‏(‏ بحجم البندقة الصغيرة‏)‏ مع البندق أو الجوز وتنقش بالمنقاش مع عدم الضغط علي الكعكة باليد‏.‏
‏*‏ يسخن الفرن ويرص الكعك في الصاجات مع مراعاة ترك مسافة بين كل واحدة وأخرى‏.‏
‏*‏ يخبز الكعك في فرن متوسط الحرارة حتي يصير لونه ذهبيا‏,‏ يرفع من الفرن وبحرص يرفع من الصاجات ويترك حتي يبرد‏.‏
‏*‏ يرص في علب ويرش بسكر بودرة عند التقديم‏.‏

الوصفة 10

الكعك المصري بالعجمية


مقادير العجمية :
- كوب عسل نحل
- 1ملعقه كبيرة سمن
- 2ملعقة كبيرة سمسم 
- 2 ملعقة كبيرة من الدقيق
الطريقة:
- سخني السمن في مقلاة ثم ضعي الدقيق، وقلبيه إلى أن يصفر ثم أضيفي له السمسم .
- قلبيه ثم ابعدي المقلاة عن النار
- أضيفي العسل تدريجياً مع التقليب المستمر بسرعة ثم ضعيه على النار مع التقليب إلى أن يغلى وتتكون عجينة طرية متماسكة ، ثم ضعي ريحة الكعك وأي نوع من المكسرات ثم اتركيه حتى يبرد . 
- شكلي العجمية على هيئة كور في حجم البندقة بقشرتها ، واحتفظي بها لحين الحشو بها.
مقادير الكعك:
- كيلو دقيق
- 1/2 كيلو سمن
- كوب أو كوب ونصف ماء دافئ للعجن
- قطعة خميرة بيرة في حجم عين الجمل
- ذرة ملح 
- 2 معلقة رائحة كحك
- سمسم 
- معلقة سكر
الطريقة :
- انخلي الدقيق في طبق عميق للعجن.
- اصنعي حفره في المنتصف وضعي فيها السمسم .
- اقدحي السمن علي النار جيداً .
- ضعيها على السمسم وقلبيها بملعقة خشب أو بالمقصوصة .
- عندما تهدأ حرارة السمن افركي خليط الكعك بين يديكِ جيداً، حتي ينعم ويتشبع بالسمنة.
- ضعي الخميرة في ملعقة صغيرة سكر مع الماء الدافئ.
- بعد أن تعلو وترتفع الخميرة ، اعجني بها الكعك ثم غطه حوالي ساعة ليخمر .
- شكلي الكعك كور صغيرة واحشها إما بالعجمية أو الملبن أو أي نوع مكسرات مفضل لكِ ، أو حتي بدون حشو.
انقشي الكعك الآن بالمنقاش أو ضعيه في القوالب الخاصة به .
- أدخليه الفرن وعندما يبرد رشي عليه السكر البودرة.

الوصفة 11

كعــك بالزبــادي


المقادير:
- كيلو دقيق
- كوب سمن
- كوب زبادى
- مغلف بيكنج بودر
- 2معلقة ريحة كعك
- ذرة ملح
- ماء للعجن
الطريقة :
- انخلي الدقيق وأضيفي إليه ذرة الملح وريحة الكحك والبيكنج بودر .
- أضيفي السمن وقلبيه مع الدقيق حتى ما يختفي
- اضربي الزبادي وأضيفي إليه الدقيق والسمن
- ممكن أن تضيفي ماء إذا وجدتي أن العجينة يابسة حتى يكون عندك
عجينة طرية، شكليها كور صغيرة واضغطي عليها قليلا لتصبح دائرة صغيرة مرتفعة قليلا من الوسط وتنقش .
- أو ضعيها في القالب المخصص لأشكال الكعك وضعيها في صواني الخبز.
- ثم اخبزيها في فرن متوسط الحرارة.
- اتركيها حتى تبرد تماما ثم رشي عليها السكر البودرة.

الوصفة 12
كعك العيد الفلسطينى

المقادير :

للعجنة :

1 كيلو سميد 
600 جرام سمنة
مستكة عربية دروس حسب الرغبة
محلب نصف ملعقة صغيرة 
1 كوب حليب 
1 كوب ماء دافئ
القليل من الخميرة 


العجوة :

1 كيلو تمرمطحون 
1 ملعقة شومر 
1 ملعقة يانسون
1 ملعقة قرفة 
نصف ملعقة كبش قرنفل
نصف كوب زيت نباتي ( ذرة )



طريقة التحضير :

** يوضع كيلو السميد مع كل كمية السمنة ويدعك قليلا , ويترك يوم كامل مع السمنة .

بعد يوم يضاف للسميد والسمنة , مستكة عربية دروس حسب الرغبة (مطحونة) ، محلب نصف معقة صغيرة (مطحونة) ، والخميرة ويدعك مع الماء الدافئ والحليب حتى تصبح العجينة ناعمة .

• العجوة تخلط مع كل المقاديروتصبح جاهزة للحشي .

نقطع العجينة لقطع دائرية بحجم قبضة اليد او اصغر حسب الرغبة ، وبعد ذالك يمكن حشي العجينة بالتمر .

بعدين على الفرن وعلى الاكل


وصحتين وعافية

وكل عام والجميع بالف خير


يمكنكم ايضا قراءة

حلويات العيد 2019

 


وصفات اكل لعيد الفطر


ليست هناك تعليقات:

إرسال تعليق

من نحن

authorمرحبا، أسمي الكينج للتطور وهذه مدونتي أسعى دائما لأقدم لكم أفضل المواضيع الجديده والخاصة بكل شئ مفيد للتطور

نموذج الاتصال

الاسم

بريد إلكتروني *

رسالة *